அன்புநிறை பெற்றோரே, அருமை மாணவச் செல்வங்களே!

தமிழ்நாட்டின் கிராமப்புறப் பெற்றோரின் மனங்களில் பல கனவுகள் : ‘நமது பிள்ளைகள் கலெக்டர்களாக வரமுடியுமா? போலீஸ் அதிகாரிகள் ஆவார்களா அவர்கள்? ஃபாரஸ்ட் ஆபீஸர்களாக, வங்கி அதிகாரிகளாக ஆக முடியுமா?’ அவர்களுடைய பிள்ளைகளுக்கும் இதே கனவுகள் இருக்கும். தங்கள் பெற்றோரின் ஆசைக் கனவுகளை நனவாக்கி வாழ்க்கையில் உயர்நிலை அடைய வேண்டுமென பிள்ளைகள் நினைப்பார்கள்.

பொருளாதார நிலையில் பின்தங்கியிருந்தாலும் திறமைகள் நிறைந்தவர்களாய், செயற்திறனும்-ஆர்வத்துடிப்பும் மிகுந்தவர்களாய் இருப்பவர்கள் ஏராளம். இத்தகைய இளைஞர்கள்-இளம்பெண்களின் ஆசைக் கனவுகள் நிஜமாவதற்கும், அவர்தம் பெற்றோர்களின் இலட்சியங்கள் நிறைவேறுவதற்கும் வாய்ப்புகள் உருவாக்கப்பட வேண்டும். நமக்கு வாய்ப்புகள் கிடைக்குமா என ஏங்குகிற பெற்றோருக்கும் – மாணவர்களுக்கும் ஒரு நற்செய்தி: இதோ, சென்னையில் சிகரம் ஐஏஎஸ் பயிற்சி மையம் உருவாகி இருக்கிறது.

தமிழ்ச் சமூக வாழ்க்கையில் மூன்று பிரபலமான, வெவ்வேறு துறைகளில் சிகரங்களை எட்டியுள்ளவர்களான வெற்றியாளர்களின் முன்முயற்சியில் இம்மையம் உருவாக்கப்பட்டுள்ளது. உங்கள் பொருளாதார, சமூகப் பின்னணி எதுவாக இருந்தாலும் உங்களிடம் திறமைகள் இருந்தால், உழைப்பும்-ஆர்வமும் இருந்தால் நீங்களும் கலெக்டராகலாம், போலீஸ் உயரதிகாரியாகலாம்!

யார் அந்த மூன்று வெற்றியாளர்கள்?

சங்கர் ஐ.ஏ.எஸ். மைய இயக்குநர் – திரு. சங்கர்.

நாமக்கல் மாவட்டம், திருச்செங்கோட்டின் கிராமப்புறப் பின்னணியிலிருந்து உருவாகி வந்தவரான திரு.சங்கர் தனது அகாடமியை இந்தியாவின் உச்சநிலை நிர்வாகவியல் திறன்களுக்கான முதன்மை மூல வள மையமாக வளர்த்தெடுத்துள்ளார். இந்த வளர்ச்சிக்கு அடிப்படை அவரே குடிமைப் பணித் தேர்வுகளை எழுதிப் பெற்ற அனுபவ ஞானம் ஆகும்.

சென்னை அண்ணாநகரில் திரு.சங்கர் அவர்களால் நிறுவப்பட்டுள்ள சங்கர் ஐஏஎஸ் அகாடமி, தென்னிந்தியாவிலும், தமிழ்நாட்டிலும் முதலிடம் பெற்றுள்ள புகழ் வாய்ந்த பயிற்சி நிறுவனமாகும். 2004-ஆம் ஆண்டில் 36 மாணவர்களுடன் தொடங்கப்பட்ட இந்த அகாடமியில் தற்போது ஆண்டுதோறும் மத்திய அரசுப் பணியாளர் தேர்வாணையத்தின் (UPSC) முதன்மைப் பதவிகளுக்கான தேர்வுகளுக்கு 1500க்கும் மேற்பட்டோர் பயிற்சி பெறுகின்றனர். இந்த நிறுவனத்திலிருந்து பயிற்சி பெற்றவர்களுள் IAS, IPS, IFS போன்ற மிகச் சிறந்த உயர் பதவிகளில் இதுவரை 700க்கும் மேற்பட்ட மாணவர்கள் தேர்வு பெற்று பணியில் அமர்ந்துள்ளனர்.